කාලගුණයෙන් දැඩි අනතුරු ඇඟවීමක්

ප්‍රබල අකුණු ඇතිවීමේ අවදානමක් පිළිබඳ කාලගුණ විද්‍යා දෙපාර්තමේන්තුව විසින් ඇම්බර් වර්ණයෙන් යුත් අනතුරු ඇඟවීමේ නිවේදනයක් නිකුත් කර තිබෙනවා.

අද (27) පස්වරු 1.30 සිට රාත්‍රී 11.30 දක්වා බලාත්මක වන පරිදි මෙම අනතුරු ඇඟවීමේ නිවේදනය නිකුත් කර ඇති බව එම දෙපාර්තමේන්තුව සඳහන් කළා.

$ads={2}

ඒ අනුව බස්නාහිර, මධ්‍යම, සබරගමුව, ඌව හා වයඹ පළාත්වල සහ අනුරාධපුර, මන්නාරම, ගාල්ල සහ මාතර දිස්ත්‍රික්කවල අද සවස් කාලයේදී හෝ රාත්‍රී කාලයේදී තැනින් තැන ගිගුරුම් සහිත වැසි සමඟ ප්‍රබල අකුණු ඇතිවීමේ වැඩි හැකියාවක් පවතිනු ඇති.

ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසයි කාලගුණ විද්‍යා දෙපාර්තමේන්තුව ජනතාවගෙන් ඉල්ලීමක් කළේ.